ЖЕҢІМПАЗДАРДЫ ЖЕКЕ ҚАБЫЛДАДЫ
Аудандық білім бөлімінің басшысы Абдазиева Гульзира Мажитқызы биылғы оқу жылында ұстаздықтың үздік үлгісін көрсетіп, Республикалық деңгейлі жарыстарда жеңімпаз атанып жүрген мұғалімдерді жеке қабылдап, арнайы құрмет көрсетті.
- Құрметті әріптестер! Қай кезде де мұғалім мамандығы бұл ағартушылық бағытты ұстанып, балаларға сапалы білім мен саналы тәрбие берер қасиеті биік қызмет. Осындай қызметтің төрінен көрініп, білім деңгейінің өз биігінен түспей жеңісті әрі жемісті түрде дәлелдеп келесіздер. Бұл әрине сіздердің мамандыққа адал, іске шынайы берілгендеріңіздің көрінісі деп білемін. Республикадағы мықтылардың бәйгесінде топ жарған сіздерге қарап шәкірттеріңіз де осал болатындығы, биікке ұмтылуға бейімделетіні анық. Сондықтанда алдағы уақыттада білім белесін бағындырып, білім саласында табысты еңбек ете бересіздер деп сенемін. Абыройларыңыз аласармасын, — деді ауданның бас ұстазы.
Бұдан кейін, арнайы Алғыс хат табыстап, жеңімпаз ұстаздарға сыйлық үлестірді. Өз кезегінде мұғалімдер мұнымен тоқтап қалмайтындарын, балалардың болашағы үшін ізденісті жалғастыратындарын айтып, бөлім басшысына ризашылық білдірді.
