Кітапхана – рухани құндылықтар ордасы

Қызылорда облысының білім басқармасының Қармақшы ауданы бойынша білім бөлімінің №277 мектеп-лицейінің қабырғасында өткен «Кітапхана – рухани құндылықтар ордасы» атты аудандық әдістемелік семинар – шын мәнінде мазмұн мен мағынаға, ізденіс пен ілгерілеуге толы тағылымды басқосу болды.

Поэзия кеші – жүректің үніне айналды.

«Поэзия менің жүрегімде» атты көркем кеш – көрерменнің жүрегін тербеген шынайы сезім, жас ұрпақтың жырға деген іңкәр көңілін оятқан рухани ләззат болды. Өлең сөздің құдіреті мен өнердің әсері үйлескен бұл кеш – семинардың көркем шымылдығы болды.

Кітапханашылардың тәжірибе алмасуы – кәсіби кемелдіктің айғағы.

Кітапхана жұмысындағы заманауи әдіс-тәсілдермен бөліскен іс-тәжірибе алаңы – әріптестік рухты нығайтып, жаңа ойларға жол ашты. Кітапханашылардың шеберлігі мен шығармашылық көзқарастары әрбір тыңдаушыға серпін беріп, кәсіби дамуға деген қызығушылықты арттырды.

«Кітапты оқи, түсіне, сүйе білейік!» – рухани серпілістің жарқын көрінісі.

Тэйбл-ток форматында ұйымдастырылған бұл ерекше жұмыс – көрерменге ой салды, кітап оқудың мәні мен маңызын ашып көрсетті. Әрбір сөзден, әрбір пікірден кітапқа деген шынайы сүйіспеншілік сезіліп тұрды.

«Әдебиет әлемі – әсерлі, әдемі» – зияткерлік ой мен көркем ойдың тоғысы.

Интеллектуалдық-танымдық бағыттағы бұл жоба – оқушылардың әдебиетке деген қызығушылығын арттырып, көркем шығармалармен жұмыс жасаудың жаңа тәсілдерін ұсынды. Шебер ұйымдастырылған, мазмұны бай бұл жұмыс ерекше әсер қалдырды.

«Кітап оқуға құмарлық ертегіден басталады» – балалық қиял мен рухани тәрбиенің тоғысы.

Кішкентай оқырмандардың жүрегіне жол тапқан бұл тәрбиелік шара – ертегінің сиқырлы әлемі арқылы кітап оқуға деген қызығушылықты оятып, рухани тәрбиеге бағытталған жарқын үлгі болды.

«Ұлы Жеңіс: ерлікке - тағзым, ұрпаққа – үлгі» – тарих пен тағзым тоғысқан тағылымды шара.

Патриоттық рухта өткен концерттік бағдарлама – көрерменге терең әсер қалдырды. Отанға деген сүйіспеншілік, батырларға деген құрмет, өткенге тағзым – бәрі осы бір мағыналы сахналық қойылым арқылы жүрекке жетті.

Семинар қорытындысында қатысушылар бір-біріне алғыс білдіріп, кітапхана мен әдебиеттің жас ұрпақ тәрбиесіндегі маңызды орнына тағы бір мәрте көз жеткізді.

Осындай игі бастамалар – руханияттың тірегі, ізгіліктің дәнекері. Әр жұмыс – шабыттың, ізденістің, кәсіби шеберліктің көрінісі болды.