ПАРТИЯНЫҢ ҚОЛДАУЫМЕН БОКСТАН РЕСПУБЛИКАЛЫҚ ТУРНИР БАСТАЛДЫ
Бүгін "AMANAT" партиясының қолдауымен жасөспірімдер арасында бокстан республикалық турнир басталды.
Спорттық жарысқа Астана, Алматы, Қызылорда, Байқоңыр қалалары, Маңғыстау, Атырау, Ақтөбе, Түркістан, Жетісу облыстары мен Арал, Қазалы, Қармақшы, Сырдария, Жаңақорған аудандарынан жас спортшылар жиналды.
Турнирдің мақсаты - салауатты өмір салтын қалыптастыру, жастардың бойында туған жерге деген сүйіспеншілікті арттыру, жасөспірімдер арасында олимпиадалық спорт түрін насихаттау, балалардың достық қарым-қатынастарын және спортқа қызығушылығын арттыру.
Байрақты бәсеке 19 сәуірге дейін жалғасады. Жарыс жеңімпаздары арнайы кубок, медаль мен дипломдармен марапатталады.
