qarmaqshy-tany.kz Ағымдағы жылдың 11-15 мамыр күндері Қармақшы ауданы, Жосалы кенті, Дене шынықтыру сауықтыру кешенінде Қазақстан Республикасының спортына сіңірген еңбегі үшін «Құрмет» белгісінің иегері Қаражанов Қуаныштың жүлдесіне арналған бокстан жасөспірімдер арасында ХІІ республикалық турнир өз мәресіне жетті.

Спорттық шараның негізгі мақсаты: жасөспірімдерді отан сүйгіштікке тәрбиелеу, облыс көлемінде боксты дамыту, жасөспірімдер арасында салауатты өмір салтын насихаттау, жасөспірімдердің спорттық шеберлігін шыңдау және арттыру болып табылады.

Республикалық турнирге Алматы облысы, Алматы қаласы, Арыс қаласы, Байқоңыр қаласы, Қызылорда қаласы, Қызылорда спорт интернат және Қызылорда облысының аудандарынан 11 команда 250-ге жуық жасөспірім қатысты.