Шағын футболдан аудандық біріншілік

Ағымдағы жылдың 2-ші Шілде күні Қармақшы ауданы, Жосалы кенті, Дене шынықтыру сауықтыру кешенінің балансындағы шағын футбол алаңында Астана күні мерекесіне орай жасөспірімдер арасында шағын футболдан аудандық турнир өз мәресіне жетті.

Спорттық шараның негізгі мақсаттары: Астана күнін кең көлемде атап өту, жасөспірімдер арасында салауатты өмір салтын насихаттау, спортшылардың шеберлігін арттыру, жасөспірімдерді достыққа патриоттық сезімге ұлттық мәдениетке тәрбиелеу, шағын футбол спорт түрін дамыту, насихаттау болып табылады.

Аудандық турнирге 7 команда 80-ге жуық жасөспірім қатыстырылды.

Турнир қорытындысы Үздік қорғаушы номинациясымен - Сайлауов Айдар, Үздік шабуылшы номинациясымен - Жазықбаев Азамат, Үздік қақпашы - Мінуар Шығанақ, Үздік ойыншы номинациясымен - Омаршәріп Дарын, Үздік сұрмерген номинациясымен - Ғалымжанұлы Ғибрат. Ал орындарды:

ІІІ ОРЫН - Жандос командасы

ІІ ОРЫН - Қайсар командасы

І ОРЫН - Болашақ командасы

Турнир жеңімпаздарына аудандық дене шынықтыру және спорт бөлімінің дипломдары мен медаль кубоктары табысталды.