Қармақшы ауданының 90 жылдығына орай «Болашаққа бағдар: рухани жаңғыру» бағдарламасы аясында 2003-2004 жылы туылған жасөспірімдер арасында шағын футболдан аудандық ашық біріншілік өтті.
Жарыстың мақсаты – жасөспірімдер арасында Қармақшы ауданының 90 жылдығын насихаттау, салауатты өмір салтын қалыптастыру болып табылады.
Жарысқа жалпы білім беретін оқу орындарынан 14 мектептің командасы қатысып, нәтижесінде І орын – 183 орта мектеп командасы, команда жетекшісі Мергенбаев Берікбол, ІІ орын – 250 мектеп-лицейінің командасы жетекшісі Игисенов Нұржан, ІІІ орын – 30 орта мектеп командасы команда жетекшісі Сұлтанбеков Рахат иеленді.
Сонымен бірге «Үздік ойыншы» номинациясымен – №186 мектеп оқушысы Әбжанов Бейбарыс, «Үздік қақпашы» номинациясымен - №250 мектеп лицейінің оқушысы Әзілханов Бексұлтан, «Үздік шабуылшы» номинациясымен - №30 орта мектеп оқушысы Жанайдарұлы Әсет, «Үздік қорғаушы» номинациясымен - №186 мектеп оқушысы Берманов Еркебұлан, «Үздік сұрмерген» номинациясымен - №79 мектеп оқушысы Ерғазы Абай марапатталды.
Шағын футболдан өткізілген жарыста үздік өнерімен нәтижеге жеткен командалар облыс біріншілігіне жолдама алды.