Жосалы кенті орталығында «Астана қаласының 20 жылдығы», «Қызылорда қаласының 200 жылдығы» және «Қармақшы ауданының 90 жылдығына» орай Қармақшы ауданы әкімінің жүлдесі үшін бұқаралық ақпарат құралдары қызметкерлері арасында шағын футболдан турнир өтті. Шара мақсаты – салауатты өмір салтын қалыптастыру, бұқаралық спортты насихаттау болып табылады. Жарыстың ашылу салтанатында аудан әкімі… С. Мақашов сөз сөйлеп, жарысқа қатысушыларға сәттілік тіледі. Жылда дәстүрге айналған жарысқа биылғы жылы 7 команда қатысты. Жарыс нәтижесінде үздік ойын өрнегін көрсеткен командалар «Сыр Медиа» командасы 1-орын алып ауыспалы кубокты иеленсе, 2-орынды Шиелі ауданынан келген «Өскен өңір» командасы, 3- орынды «Qyzylorda» командасы иеленді. Жеңімпаз атанған командалардың бәріне кубок, медаль, дипломдар мен қаржылай сыйлықтар табысталды. Сонымен бірге белсенділікпен қатысқан командалар ішінен «Үздік қорғаушы», «Үздік шабуылдаушы», «Үздік ойыншы», «Үздік қақпашы» номинациялары бойынша қаламгерлер марапатталды.