Мемлекеттік қызмет саласындағы уәкілетті органның құрылғанының 20 жылдығы аясында мемлекеттік қызметшілер күні мерекесіне орай сала мамандарынан құралған командалар арасында шағын футболдан облыстық турнир өтті. Турнирде жерлестеріміз аудан абыройын асқақтатып, үздік үштікті түйіндеді.
Тартысты додада облыс, қала, аудан әкімдіктері мен департамент, инспекциялардың намысын қорғап, ала доптың үстінде аяғымен ойнаған он екі команда өзара бақ сынасқан. Сайыста Шиелі ауданы әкімдігінің командасы І орынның биігін бағындырса, жүлделі ІІ орынды облыстық соттар әкімшісі еншіледі. Ал жерлестеріміз Қармақшы ауданы әкімдігінің командасы ІІІ орынды қанжығасына байлады.
Турнир жеңімпаздары мен жүлдегерлері Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының кубогімен және дипломымен марапатталды.