«Қармақшы ата» мешіті жүлделі оралды

«Евразия» спорт кешенінде ҚМДБ Қызылорда облысы бойынша өкілдігінің ұйымдастыруымен «Бірлігі жарасқан жамағат» атты мешіт жамағаттары арасында спартакиада өтті. Қызылорда қаласының 200 жылдығына орай өткізілген сайыста аудандағы «Қармақшы ата» мешіті ІІІ орынға қол жеткізді.
Облыс бойынша 8 команда бақ сынасқан сайыс үй тапсырмасы, аламан, қаппен секіру, кім жүйрік, арқан тарту, теннис жарысы, капитандар сайысы тәрізді 8 кезеңнен тұрды.
Жүзден жүйрік болып І орынның биігін Жалағаш аудандық «Иманқұл» мешітінің жамағаты бағындырса, қазалылық «Жанқожа батыр» мешітінің командасы екінші орынды еншіледі. Ал жерлестерімізден құралған «Қармақшы ата» мешітінің жамағаты үздік үштікті түйіндеді.
Жеңімпаздар қомақты қаржылай сыйлықтармен, алғыс хаттармен марапатталды.