Қармақшы аграрлы-техникалық колледжінде «Үздік оқытушы – 2018» сайысы өткізілді. Оқу орнындағы оқытушы ұстаздардың бәсекеге қабілеттілігін дамыту мақсатында ұйымдастырылған шарада ұлағаттылар бойдағы бар өнерін салды.
Алғашқы кезеңде панорамалық сабақтар өткізіп, бақ сынасқан оқытушылар екінші бөлімде «Мен – ұстазбын» тақырыбында эссе жазды және ҚР Заңдарынан, педагогогикалық-психологиялық сұрақтардан өз біліктіліктерін танытты. Сондай-ақ қорытынды бөлімде сайыскерлер авторлық бағдарламаларын қорғап, топ алдында дәлелдеді. 
Қазылар алқасының шешімімен бас жүлдені информатика пәні оқытушысы Салтанат Кобекова иемденсе, бірінші орынның биігін өзін-өзі тану пәнінің оқытушысы Гүлназ Таурбаева бағындырды. Ал Назерке Абдиева екінші орынды еншілеп, Тұрсынай Нұржанова үздік үштікті түйіндеді.