Жуырда №26 Ш.Уәлиханов атындағы мектепті 2008 жылы бітірген түлектері жастар арасында футболдан турнир өткізді. Турнирді 10 жылдық түлектердің сынып жетекшісі Б.Жалғасбаева және Х.Еленұрова ашып, қолға алынған бастамаға сәттілік тіледі. Футболға 1986 және 2002 жылдар аралығында туған жастар қатысты. Жүлде қоры- І орынға- 15 мың теңге, ІІ орын - 10 мың теңге, ІІІ орын - 5 мың теңге. Жарыс қорытындысы бойынша: І орынды 2002 жылы туған жастар құрамасы иеленсе, ІІ орынды 1993 жылғылар, ал ІІІ орынды 1990 жылы туған жастар арасындағы құрама командасы қанжығаларына байлады. Сонымен қатар, «Үздік ойыншы» номинациясымен Нұржан Тілепбергенов, «Үздік қақпашы» номинациясымен Талғат Жаңабайұлы, «Үздік қорғаушы» номинациясымен Бақытжан Әлімбаев марапатталды.