13 мамыр күні Қармақшы ауданы, Жосалы кенті, С.Есқараев атындағы №27 орта мектебінің футбол алаңында Қармақшы ауданының белгілі азаматы, спорт жанашыры Бектібаев Амангелді Асқарұлын еске алуға арналған шағын футболдан 2009-2010 ж.т. жасөспірімдер арасында облыстық турнир өз мәресіне жетті.Спорттық шараның негізгі мақсаты: Амангелді Асқарұлын еске алу, жастар арасында салауатты өмір салтын насихаттау, спортшылардың шеберлігін арттыру, жастарды достыққа патриоттық сезімге ұлттық мәдениетке тәрбиелеу, шағын футбол спорт түрін дамыту, насихаттау болып табылады.
Облыстық турнирге аудан орталығындағы 6 мектептен 7 команда 80-ге жуық жасөспірім қатысты.
Турнир қорытындысы:
Үздік қорғаушы номинациясымен - №121 орта мектебінің ойыншысы Маратбек Мейіржан, Үздік шабуылшы номинациясымен - №250 мектеп-лицейінің ойыншысы Әлиев Рахат, Үздік қақпашы номинациясымен - №27 орта мектебінің ойыншысы Ибрагимов Ерасыл, Үздік ойыншы номинациясымен – №183 орта мектебінің ойыншысы Әлдебаев Дінмұхамед, Үздік сұрмерген номинациясымен - №105 мектеп-лицейінің ойыншысы Қайруллаев Әділет марапатталды. Ал орындарды
ІІІ орын - №250 мектеп-лицей командасы
ІІ орын - №105 мектеп-лицей командасы
І орын - №183 орта мектеп командасы