АЯҚДОПШЫЛАР ЖАРЫСЫ
Қармақшы ауданының белгілі азаматы, спорт жанашыры Амангелді Асқарұлы Бектібаевты еске алуға арналған шағын футболдан облыстық турнир өз мәресіне жетті. Турнир 2019 жылдың сәуір айының 5-7 аралығында С.Есқараев атындағы №27 орта мектеп ауласында орналасқан шағын футбол алаңында өтті. Аталған турнирге 100-ге жуық футболшы қатысып, өз бақ сынады. Жарысқа Қызылорда және Байқоңыр қаласынан бірнеше команда келді.Жарыс қорытындысымен ІІІ орынды Байқоңыр қаласының «Арман» командасы, ІІ орынды Қармақшы ауданының «Құрдастар» командасы, І орынды Қызылорда қаласының «Ертарғын командасы» жеңіп алды.
Батыржан Қайруллаев («Қармақшы» командасы) «Үздік қорғаушы», Тәуекел Дәуітбай («Жастар-2000» командасы) «Ең көп гол салған ойыншы»,Уәли Дүйсенбі («Ертарғын» командасы) «Үздік ойыншы», Ақтілеу Меңдібаев («Құрдастар» командасы) «Үздік қақпашы», Нұрлан Нұрғазиев (Арман командасы)
«Үздік шабуылшы» номинациясымен марапатталды.
Жеңімпаздар мен жүлдегерлер А.Бектібаев турнирінің ұйымдастырушылары атынан арнайы кубок пен қаржылай сыйлықпен марапатталды.
Г.ӘМІРҚЫЗЫ
