АРДАҚТЫ АНАЛАРҒА ҚҰРМЕТ КӨРСЕТІЛДІ
Бүгін аудан әкімі Жандос Еркінбек 8 наурыз – Халықаралық әйелдер күніне орай ғибратты ғұмыр кешкен ардақты аналардың шаңырағына арнайы барып, облыс әкімі Нұрлыбек Нәлібаевтың құттықтауын табыстады.
Аудан басшысы білім, денсаулық сақтау, баспасөз, құрылыс саласының ардагерлері мен тыл еңбеккерлерін мерекемен құттықтап, оларға гүл шоқтары мен естелік сыйлықтар табыстады. Аналарға білдірген ілтипаты арқылы олардың қоғамдағы рөлін, сіңірген еңбегін жоғары бағалайтынын жеткізді.
Өз кезегінде ақ жаулықты аналар ақ батасын беріп, елдің амандығын, жұрттың тыныштығын тіледі.
