Ардақты аналарға құрмет көрсетті
8 наурыз – Халықаралық әйелдер күніне орай аудан әкімінің міндетін атқарушы Жұлдызхан Байназарұлы Жаңажол ауылының тұрғыны ІІ, ІІІ дәрежелі «Еңбек даңқы» орденінің иегері Бибігүл Әбішованың және Жосалы кентінің құрметті азаматы, «Еңбек ері», тыл ардагері Күләй Қалмаханқызының отбасында болып, арнайы мерекемен құттықтап, ыстық ықыласы мен жылы лебізін білдіріп сый-құрмет жасады.
Ардагер аналар шуақты күнде арнайы құттықтап келген аудан басшылығына ризашылығын білдіріп, ақ батасын берді.
Сондай-ақ, мереке қарсаңында аудандағы ерекше балаларды арнайы құттықтап, сыйлықтар табыстап, тәттілермен қуантты.
