ЕҢБЕК ЕРІНЕ ҚҰРМЕТ КӨРСЕТТІ
8-наурыз – Халықаралық әйелдер мерекесіне орай аудан әкімінің орынбасары Меңлібаев Еркебұлан Қайырбекұлы Социалистік Еңбек Ері, Сыр елінің ақ жаулықты анасы Сәлима Жұмабекованы аналар мейрамымен құттықтап, ыстық ықыласы мен жылы лебізін білдірді.
Осындай шуақты күнде арнайы құттықтап келген аудан басшылығына омырауы ордендер мен медальдарға толы Сәлима апа ақ батасын берді.
Бар өмірін елге арнаған, сол жолда аянбай еңбек еткен Сәлима апамызға қандай құрмет көрсетсек те көп болмайды.
