Ардақты аналар! Қымбатты ханымдар!

Баршаңызды 8 наурыз – Халықаралық әйелдер күнімен шын жүректен құттықтаймын!

Бұл – өмірге шуақ шашып, жанға жылулық сыйлайтын ерекше мейрам. Біз әрдайым асыл аналарымыздың, әзиз әжелеріміздің, аяулы аруларымыздың алдында бас иеміз. Өйткені, әйелдер қауымы – отбасының ұйытқысы, берекенің бастауы, қоғамның тірегі.

Сіздердің ел дамуына қосқан үлестеріңіз қашанда орасан. Қыз-келіншектер адами құндылықтарды дәріптеп, ұрпақ тәрбиелеумен қатар, түрлі салада биік белестерді бағындырып келеді.

Бүгінде Қармақшы ауданы жаңа даму кезеңіне қадам басып, халық игілігі үшін ауқымды жобалар жүзеге асуда. Бұл жетістіктердің әрқайсысында әйел азаматтарының еңбегі мен табандылығы жатыр. Олардың қажырлы қызметі ауданымыздың өркендеуіне үлкен серпін беруде.

Әйелдер қауымы – тек отбасының ғана емес, мемлекеттің де берік тірегі. Әр салада табысты еңбек етіп жүрген әйел азаматтарымыз елдің әлеуметтік-экономикалық дамуына сүбелі үлес қосып келеді. Аналардың ақ жүрегі, парасаты мен даналығы – ұлттық құндылықтарымыздың алтын қазығы.

Осынау шуақты мейрамда сіздерге мықты денсаулық, баянды бақыт, отбасыларыңызға береке тілеймін! Көктемнің шуағы жүрек- теріңізді жылытсын, өмірлеріңіз қуаныш пен шаттыққа толсын!