qarmaqshy-tany.kz 8 наурыз – Халықаралық әйелдер күніне орай аудан әкімі Жандос Еркінбекұлының мерекелік қабылдауы өтті.

Мерекелік жиынға аудандық әжелер ансамблінің мүшелері мен ауданымыздың қоғамдық-саяси өміріне белсенді атсалысып жүрген бірқатар ардақты аналар мен қыз-келіншектер қатысты.

Аудан басшысы алғы сөзінде әйелдер қауымы қашанда отбасының ұйытқысы және береке-бірліктің бастауы екенін айта келе қасиетті Қармақшы елінің жеңістері мен жетістіктеріне әйелдердің де сіңірген еңбегі орасан зор екенін ерекше атап өтті.

Сондай-ақ, «Ұлағатты әже» атты облыстық өнер фестивалінде ерекше өнерлерімен дараланып, байқаудың Бас жүлдесін жеңіп алған әжелер ансамблінің жарқын жеңістерімен және жиынға жиналған барша әйелдер қауымын 8 наурыз – Халықаралық әйелдер күнімен құттықтап, ізгі лебізін білдірді.

Мұнан соң, аудандық Қоғамдық кеңес төрағасы Құлдүйсенов Әбдірахман, аудандық әжелер ансамблінің Үрліхан Қожахметова және қоғам белсендісі Гүлсім Арыстанбаева іс-шараға қатысушы əзиз əжелер мен ардақты аналарды мерейлі мерекесімен құттықтады.

Мерекелік іс-шаралар барысында аудан өнерпаздары ән-жырдан шашу-шашып, ардақты аналарға арнайы арнау айтылып, нәзік-жандыларға мерекелік көңіл күй сыйлады.