ҰЛТТЫҚ ОЙЫНДАР – ҰЛТ БОЛАШАҒЫ
Ұлттық ойындар ертеден-ақ жалпы этнографиялық әдет-ғұрыптармен бірге дамып жетіліп, өз алдына бір үлкен ғылымның саласына айналып отыр. XVIII ғасырдан XX ғасырға дейін қазақ хандықтары өмір сүрген дәуірде ұлттық ойындар жаңа кезең алып, халық арасына біраз таралды. Алайда сол кездегі теріс саясаттың әсерінен заман бүркемесінің астында қалып қойды. Бүгінгі күні ұлттық ойындарды қазақ этнографиялық ғылымының бір саласы ретінде қарайтын уақыт келді десек болады. Ғылымның қай саласы болсын тарихын терең зерттеп алмайынша алға баспайды.
Зерттеуді өз тарихынан бастау – ғылым жетістіктерін игерумен қатар оның одан ары алға басуына мүмкіншіліктер туғызады. Қазақтың ұлттық және спорттық ойындарының өзінің шығу тарихы мен тәрбиелік мәні зор. Ол денсаулықты нығайтуға көп септігін тигізері сөзсіз.
Қоғамымыздың жастарын өз елінің тарихын, мәдениетін, тілін, салт-дәстүрін бағалай білетін азамат етіп қалыптастыру – бүгінгі күннің бас ты талабы. Қазақ халқының ұлттық ойындарын үйрете отырып, ойын арқылы әдет-ғұрыптан деректер бере аламыз. Бойына адами жақсы қасиеттерді сіңірген адам, ертең өз халқын, Ота нын сүйетін азамат болуы сөзсіз. Сондықтан ұлттық ойындарды болашағымызға дәріптей жүрейік.
Қуаныш АЙТМАМБЕТОВ,
№106 орта мектеп директорының бейінді-бағдарлы
ісі жөніндегі орынбасары
