16 тамыз күні «Балауса» аулалық клубының ұйымдастыруымен «Салауатты ұрпақ – сау ұрпақ» тақырыбында аулалық клуб мүшелері арасында ұлттық ойындардан сайыс болып өтті. Шараның мақсаты – денсаулықты нығайту қажеттілігі туралы түсініктерін кеңейту, халқымыздың ұлттық ойындарының қалыптасуы, үлкеннен – кішіге мұра болып жалғасып отырғандығы туралы мағлұмат беру, ұлттық ойын түрлеріне қызығушылықтарын арттыру.
Балалар 4 топқа бөлініп, жарысқа түсті. Сайыс барысында топ мүшелері бір-бірімен білек сынасып, арқан тартысқа түсті. Ұлттық ойындар туралы сұрақтарға топ болып жауап берген балалар әрі қарай асық ату, «бес тас» секілді ойындар ойнады. Жарыс соңында ойынға қатысқан топтар диплом және алғыс хаттармен марапатталды. Балалар ойынды ұйымдастырған жетекшіге алғыстарын жеткізді.