МЕКТЕП ҰЖЫМЫМЕН КЕЗДЕСУДЕГІ МАҚСАТТЫ МІНДЕТТЕР
Білім бөлімінің басшысы Г.Абдазиева аудан орталығындағы №121 орта мектептің қызметкерлерімен «Сыбайлас жемқорлыққа қарсы іс-қимыл туралы» заңына түсіндірме жұмыстарын және оны қоғам болып алдын алу, сонымен қатар, мектептің мұғалім бейнесін көрсететін педагогикалық этика нормалары мен ережелерін сақтау міндеттеріне, мектептегі оқу-тәрбие процесінің үздіксіз жүргізілуіндегі ерекшеліктер, ондағы жетістіктер барысына тоқталды.
Мұғалімдер мектепте міндетті педагогикалық әдептілікті сақтап, балаға сапалы білім мен саналы тәрбие беру қажеттігін басты айтты.
Сонымен қатар аудан мектептерінде әр түрлі аудандық, облыстық, республикалық шаралар нәтижесімен, оқу – тәрбие саласының жұмыстары жандандырылып, ұжымның бірлескен бағытында үлкен жетістіктер биігінен орын алып отырғандығын тілге тиек етті.
Сөз қортындысында мектеп әкімшілігіне алдағы уақытта да оқу тәрбие жұмыстарын жүйелі ұйымдастырып, нәтижелі көрсеткіштерге қол жеткізу керектігін тапсыра отырып, мектеп ұжымына шығармашылық толағай табыстар тіледі.
