Жуырда №250 мектеп-лицейінде «Бала тәрбиесіне байыппен қарайық» тақырыбында жалпыұлттық ата-аналар жиналысы өтті.
Оған педагог қызметкерлер, ата-аналар қатыстырылып, сыбайлас жемқорлыққа қарсы құндылықтарға шақыру, жанұяда жемқорлыққа қарсы тәрбие беру өзек етілді.
Жиналыста мектеп-лицейдің директоры Г.Еркебаева хабарлама жасап, жанұядағы дәстүрлі құндылықтарға, соның ішінде адал еңбек ету, сыртқы ортаға зиян тигізбеу ұғымдарына кеңінен тоқталды. Сонымен берге, жемқорлыққа қарсы тәрбиелеудің білім ордасымен қатар, жанұяда да маңызды рөл атқаратындығын атап айтты.
Шарада «Қоғамдық бақылау картасы» жобасы мен оның негізгі мақсаты туралы түсіндірме берілді. Қорыта келе, жиын сыбайлас жемқорлыққа қарсы тұратын саналы жеткіншектерді тәрбиелеу жұмыстарын одан әрі қарқынды жүргізуге шақырды.