ҮЗДІК МҰҒАЛІМ
Жас ұрпақты біліммен сусындатып, оны үлкен өмірге қанаттандыру – ұстаз алдына қойылған зор міндеттің бірі. Сондай-ақ «ұстаз» деген ұлағатты есімге кір келтірмей, оны абыроймен алып жүру де зор жауапкершілік артады. Білім саласының дамуы мемлекет назарындағы кезек күттірмес мәселенің бірі. Сондықтан да ұстаздар қашанда қоғам назарында. Өткен жылдың қорытындысы бойынша «Халықтың сүйіктісі» қоғамдық сыйлығы 14-рет ұйымдастырылған болатын. Осы байқаудың жеңімпаздары 16 қаңтар күні Астана қаласында марапат төрінен көрінді. Осындай марапатқа лайықты 10 сала үздігінің бірі – жерлесіміз Серік Ниязов.
Ол ауданға қа расты Төретам кен тіндегі №80 мектеп-гимназиясында география пәні бо йынша ұстаздық етеді. Ұстаздық еңбек өтілі 17 жылды ғана құраса да, жеткен жетістігі біршама. Бұл оның еңбексүйгішті гі мен қызметіне деген адалдығының көрінісі. Серік Ұзақбайұлы өз пәні бойынша сабақ беріп қана қоймай, қоғамдық, ғылыми жұмыстарға да белсенді араласады. Оның әдістемелік құралы мен іс-тәжірибесі республика, облыс, аудан көлемінде таратылған. Түрлі тақырыпты қозғаған 40-тан астам мақаласы мен сабақтары бұқаралық ақпарат құралдарында жарияланған. Өз білімін жетілдіру мақсатында рес публикадан бөлек, Өзбекстан, Қырғызстан елдеріндегі ғылыми-практикалық семинарға қатысқан. Білікті ұстаз ҚР Білім және ғылым министрлігінің, Ы.Алтынсарин атындағы ұлттық білім академиясының Құрмет грамотасын, республикалық деңгейде «Үздік ауыл мұғалімі – 2019» номинациясын иеленген. Онан бөлек, жетістіктер қатарын республикадағы белді жоғары оқу орнының сертификаттары толықтырған. Жаңашыл әрі талапшыл ұстаздың оқушылары да биік белесті бағындырып, топ жарып жүрген озаттар. ҰБТ бойынша оқушылары алтын белгі, үздік аттестат иеленсе, таңдау пәні бойынша толық 40 ұпай жинаған шәкірттері де бар. Сондай-ақ озат мұғалімнің оқушылары республикалық, облыстық, аудандық деңгейдегі түрлі байқау, ғылыми жобаны қорғау, олимпиадаларда жүлдегер атануда.
– Менің ойымша, ұстаздың басты мақсаты – оқушыға белгілі бір шамада білім беріп қоймай, білім, білік, дағдыларын жетілдіріп, жеке тұлға етіп қалыптастыру. Осы күнге дейін мектептің педагогикалық үдерісіне елеулі өзгерістер енгізбесек те, жасаған жұмыстарым өз нәтижесін беріп келеді. «Өзгеріс өткінші оқиға емес, ол уақытты және төзімділікті талап етеді» дегендей, сапалы педагогикалық қызмет көрсету үшін табысты да құзырлы мұғалім болып қалыптасуға деген шын ниетім бар. Бұл – менің мұғалімдік қызметімдегі әрбір ісімнің нәтижелі болуына жол ашатын қасиетім. Ұстаз – келер күннің ұстасы, балалардың қалыптасып келе жатқан дүниетанымының, өмірге деген көзқарастарының иесі. Ендеше, ұрпағымыздың ертеңінің қалай қалыптаспағы – біздің бүгінгі арқалар жүгіміз болмақ, – дейді білікті ұстаз Серік Ниязов.
Ал жуырда ғана алған марапаттың орны мүлде бөлек. Әлеумет өзі ұсынып, өзі таңдаған ашық байқауда мұғалім, дәрігер, қоғам қайраткері мен спортшылар, журналистер бақ сынаған болатын. Кіл мықтылар бәсекесінде оза шапқан жерлесіміз аудан, облыс мерейін асқақтатты.
– Жалпы байқау екі кезеңнен тұрды. Алғашқы кезеңі дауыс беру арқылы өткізілсе, екіншісінде әділ-қазылар таңдау жасады. Нәтижесінде «Үздік мұғалім» атағы берілді. Оқу-ағарту министрі Ғани Бектайұлының қолынан марапат алу ерекше сезім. Бұл ауыл мұғаліміне деген үлкен құрмет деп білемін. Осы марапаттың арқасында біршама министр, депупаттармен жүздесіп, әр саланың үздіктерімен танысып, пікір алмастық. 2023 жылдың желтоқсан айында республика көлемінде «Үздік педагог» атансам, бұл марапатты Сыр бойылық ұстаздардың арасында алғашқы болып алу бұйырған екен. Мұндай марапаттар ұстаздарға шабыт, келешекке сенім береді. Сондай-ақ мұны Президент Қасым-Жомарт Тоқаевтың бастамасымен жалпы ұстаздарға, оның ішінде ауыл ұстаздарын қолдау деп білемін, – дейді жеңімпаз ұстаз Серік Ұзақбайұлы.
Ардақ СӘКЕНҚЫЗЫ
