Білім бөлімінің басшысы сыйақы иегерін қабылдады
Жаңа жыл қарсаңында аймақтың білім саласының дамуына ерекше үлес қосқан ұстаздарға құрмет көрсетіліп, «Мәртебелі ұстаз – ел мерейі» салтанатты шарасында ұстаздар арасында өткен конкурс нәтижесінде үздіктер марапатталып, облыс әкімі Гүлшара Әбдіқалықованың қолынан төсбелгі мен қаржылай сыйақы иеленген болатын. Осы марапатқа лайық деп танылған он ұстаздың бірі - Қармақшы аудандық білім бөліміне қарасты Төретам кентіндегі №80 мектеп-гимназиясының география пәні мұғалімі Серік Ниязовты білім бөлімінің басшысы Дастанбек Назикбаев қабылдап, алдағы уақытта ел игілігі үшін еңбек етіп, егемен еліміздің ертеңі болатын өрелі өрендерді өсіріп, тәрбиелеуде талмай еңбек етуді тілеп, өз алғысын білдірді.
