СЕРІК НИЯЗОВ "ЖЫЛ ҮЗДІК МҰҒАЛІМІ" МАРАПАТЫНА ИЕ БОЛДЫ
Астана қаласында "Халықтың сүйіктісі" қоғамдық сыйлығының салтанатты түрде жеңімпаз атанған жыл үздіктері марапатталды.
Әлеумет өзі ұсынып, өзі таңдаған ашық байқауда мұғалім, дәрігер, қоғам қайраткері мен спортшылар, журналистер бақ сынаған болатын.
Халық әлеуметтік желілер арқылы дауыс беріп, кіл мықтыларды анықтаған еді. Сол сапта Қармақшы ауданы бойынша №80 мектеп- гимназиясының география пәнінің мұғалімі, “Үздік педагог” Ниязов Серік Ұзақбайұлының бой көрсетуі–аймағымыз үшін де ауданымыз үшін де зор мақтаныш!
Байқау нәтижесінде Серік Ұзақбайұлы жобаның оннан аса аталымының бірі–«Жылдың үздік мұғалімі» марапатын иеленді.
Серік Ұзақбайұлы –шәкірттері жыл сайын республикалық олимпиаданың жеңімпаздары атанған, жаңашылдыққа жаны құмар ұстаздардың бірі. Осындай ұстаз еңбегі еленген күнде Серік Ұзақбайұлын мәртебелі марапатымен шын жүректен құттықтаймыз!
