БАЛАЛАРДЫҢ БІЛІМ МЕН ТӘРБИЕ АЛУЫНА ҚОЛАЙЛЫ ЖАҒДАЙ ЖАСАУ БАСТЫ МІНДЕТІМІЗ
Балалардың алаңсыз дамуы үшін білім ошақтары жылы, жайлы, техникалық мүмкіндігі жетілдірілген болуы міндетті. Осы жұмыстарды бағамдау үшін аудандық білім бөлімінің басшысы Абдазиева Гульзира Мажитқызы Ақай елді мекенінде болып, бірқатар мектепке дейінгі білім беру ұйымдарын аралады.
Аралау барысында мектепке дейінгі білім беру ұйымдары ғимаратының сыйымдылығын, қазіргі таңдағы техникалық жағдайы мен оның жабдықталуын және санитарлық-гигиеналық талаптары мен қоса асханасының жұмысы, балаларға берілетін тағамдардың дұрыс ұйымдастырылуы және білім ошағының жылыту көзін бағамдап, балаларға беріліп жатқан тәрбиелік жұмыстар бағытындағы жобалармен танысты.
Ауданның бас ұстазы атқарылған жұмыстарға оң бағасын беріп, білім беру ұйымдары басшыларына бала қауіпсіздігін басты назарда ұстау қажеттігін айтып, оларға сапалы қызмет көрсетуді және тағамдардың талапқа сәйкес берілуін үнемі бақылауда ұстауды міндеттеді.
