БЕЛСЕНДІ ЖАСТАР МАРАПАТТАЛДЫ
Жастар – ұлт үмітін арқалаған ел ертеңі. Үміт пен сенімді ақтау сол буынның парызы. Сол себептен де жастар қазіргі қоғамның жетекші күші ретінде еліміздің дамуы үшін жауапты екені мәлім. Олар бұл күнде әртүрлі салада еңбек етіп, егемен елдің гүлдене түсуіне өз үлестерін қосуда.
Бүгінде сан салада аудан мерейін тасытып, сүбелі еңбек етіп жүрген жастар жетерлік. Аудан әкімі Жандос Еркінбектің қатысуымен «Келешек кілті – жастарда» тақырыбында жастар форумы өтті.
Жастарға жаңа серпін беретін шарада аудан басшысы құттықтау сөз сөйлеп, мемлекеттік жастар саясатының іске асырылу барысы мен жастарды қолдау бағытында атқарылып жатқан ауқымды жұмыстарды атап өтті.
Аудан басшысы жаңа Қазақстан- ның болашағы жастардың қолында екенін және оларға зор сенім артатынын жеткізді.
Іс-шара барысында соңғы үш жыл көлемінде жоғары жетістіктерге жетіп, биік белестерді бағындырған ауданның белсенді жастарына 14 номинация бойынша «Qadam» жастар сыйлығы табысталды. Сонымен қатар әр салада табысты еңбек етіп жүрген бірқатар жас маман аудан әкімінің алғыс хатымен марапатталды.
Жиын соңы мерекелік концерттік бағдарламамен жалғасып, жинал- ған көпшілікке мерекелік көңіл күй сыйлады.
«ҚТ» ақпарат
