КЕЛЕШЕК КІЛТІ – ЖАСТАРДА
Бүгін аудан әкімі Жандос Еркінбектің қатысуымен Қармақшы ауданы жастарының «Келешек кілті – жастарда» атты форумы өтті.
Жастарға жаңа серпін беретін шарада аудан басшысы құттықтау сөз сөйлеп, мемлекеттік жастар саясатының іске асырылу барысы мен жастарды қолдау бағытында атқарылып жатқан ауқымды жұмыстарды атап өтті.
Аудан әкімі жаңа Қазақстанның болашағы жастардың қолында екенін және оларға зор сенім артатынын жеткізді.
Шара барысында соңғы үш жыл көлемінде жоғары жетістіктерге жетіп, биік белестерді бағындырған ауданның белсенді жастарына 14 номинация бойынша «Qadam» жастар сыйлығы табысталды.
Сонымен қатар әр салада табысты еңбек етіп жүрген бірқатар жас мамандар аудан әкімінің алғыс хатымен марапатталды.
Іс-шара мерекелік концерттік бағдарламамен жалғасып, жиналған көпшілікке мерекелік көңіл күй сыйлады.
