Аудандық орталық алаңда халықаралық жастар күніне орай «Жаңа кезеңге қадам басқан жастар» атты мерекелік концерт өтті.

Аталмыш іс-шараға аудан әкімінің орынбасары Самат Қыдырбекұлы қатысып, Қармақшының жалынды жастарын төл мерекелерімен құттықтады.

Аудан әкімінің орынбасары өз сөзінде жастар саясаты саласында атқарылған жұмыстарға тоқталып, жастардың жасампаз бастамалары мен тың идеяларын қолдауға әрдайым дайын екендігін жеткізді.

Сондай-ақ, әр салада табысты еңбек етіп жүрген белсенді жастар ынталандыру мақсатында облыс әкімінің, облыстық қоғамдық даму басқармасы басшысының және аудан әкімінің алғыс хаттарын табыстады.

Одан соң, мерекелік іс-шара аудан өнерпаздарының дайындаған концерттік бағдарламасымен жалғасып, жиналған көпшілікке көтеріңкі көңіл күй сыйлады.