Жаңа жыл қарсаңында ардагерлерге аудан әкімінің құттықтауы табысталды

Білім бөлімінің басшысы Абдазиева Гульзира Мажитқызы Жаңа жыл мерекесі қарсаңында бірқатар сала ардагерлерінің шаңырағында болып, аудан әкімі Жандос Еркінбектің мерекелік құттықтауын жеткізіп, сый-сияпат жасады.

Ардагерлер өз кезегінде көрсетілген құрметке ризашылықтарын білдіріп, ауданымыздың одан әрі өркендеуі мен өңір тұрғындарының әл-ауқатының артуына шын жүректен тілектестігін білдірді.

Киелі шаңырақтың бірлігін сақтап, үйдің берекесін келтіріп отырған үлкендеріміздің өмір жолы саналы ұрпақтың жадында таусылмас қазына болып сақталатыны сөзсіз.