Ардагерлерді мерекемен құттықтады

qarmaqshy-tany.kz Жаңа жыл қарсаңында ауылдық округ әкімі Нұрлыбек Сайымов ардагерлерді мерекемен құттықтап, сый-құрмет көрсетті.

Ауыл әкімімен бірге ардагерлер кеңесінің төрағасы Сайлау Мұхтаров жүріп, мерекелік құттықтауларын жеткізді.

Алдымен ауыл әкімі еңбек ардагері Мурадин Мардиевтің үйіне барды. Жаңа жылда 85 жасқа толатын батагөй ақсақалды мерекемен құттықтап, аудан әкімі Ә.Ерсұлтановтың құттықтау хаты мен сый-сияпатын табыстады.

Өз кезегінде еңбек ардагері Мурадин ақсақал қазір ел-халықтың жағдайы жақсы екенін тілге тиек етіп, бейбіт күнге шүкіршілігін айтты. Құрмет көрсеткен ауыл әкіміне алғыс білдіріп, батасын берді.

Сондай-ақ, ауыл әкімі еңбек ардагері Б.Матаеваның, Ә.Әбеновтің және кітапханашы Р.Тұрманованың шаңырағына арнайы барып, аудан әкімінің құттықтауын табыс етті.