Тыл ардагерлеріне құрмет
Аудан әкімі Жандос Еркінбек аудандық ардагерлер кеңесінің төрағасы Асқар Мерековпен бірге тыл ардагерлері Тайсия және Юрий Пономаревтардың шаңырағына барып, оларды 90 жасқа толған мерейтойларымен құттықтады.
Аудан басшысы жастық шақтарын Ұлы Отан соғысы мен соғыстан кейінгі ауыр кезеңдерде елге қызмет етуге арнап, тылдағы қажырлы еңбектері арқылы бүгінгі ұрпақтың бейбіт өмір сүруіне жол ашқан ардагерлерге ризашылығын білдіріп, мықты денсаулық, отбасыларына амандық, баянды бақыт және ұзақ ғұмыр тілеп, сый-сияпат жасады.
Тыл ардагерлері өз кезегінде көрсетілген құрмет пен қамқорлық үшін алғыстарын білдірді.
