Мерекелік көңіл күй сыйлады

Жосалы кентінің әкімі Алмасхан Әріпханұлы жаңа жыл мерекесі қарсаңында көше тазалаушы жұмысшылармен жаңажылдық мерекелік кездесу өткізді.

Кент әкімі жыл көлемінде кенттің тазалығына, оның көркеюіне еселі үлес қосқан көше тазалаушы жұмысшыларға шынайы алғысы мен тілегін айта отырып, бірқатар жұмысшыларды алғыс хатпен марапаттады.

Әрқайсысына мерекелік сыйлықтар табысталды. Жұмысшылар жылы лебіздерін білдіріп, көтеріңкі көңіл-күймен тарқасты.