Қармақшы ауданы әкімі бірқатар құрылыс нысандарын аралады

Аудан әкімі Жандос Еркінбек Қармақшы және Қуаңдария ауылдарында салынып жатқан фельдшерлік-акушерлік бекеттердің құрылысын тексерді.

Бұл құрылыс нысандары ауыл тұрғындарына сапалы медициналық қызмет көрсетуді жақсартуға бағытталған маңызды жобалар болып табылады.

Құрылыс алаңына барған аудан басшысы жауапты мердігерлерге нысандарды уақытылы және сапалы аяқтау туралы нақты тапсырмалар берді. Сонымен бірге, ол жұмыс барысында қолданылатын материалдардың сапасы мен еңбек қауіпсіздіктерінің сақталуына ерекше назар аударуды тапсырды.

Бұл нысандар іске қосылғаннан кейін ауыл тұрғындарына алғашқы медициналық көмек көрсету қолжетімділігі мен сапасы айтарлықтай жақсарады деп күтілуде.