ОБЛЫСТЫҚ МӘСЛИХАТ ТӨРАҒАСЫ ЖӘНЕ ОБЛЫС ӘКІМІНІҢ ОРЫНБАСАРЛАРЫ АУДАНДА БОЛДЫ
Облыстық мәслихат төрағасы Мұрат Тілеумбетов, облыс әкімінің орынбасарлары Бахыт Жаханов пен Қайрат Нұртай Қармақшы ауданына жұмыс сапарымен келді.
Сапар барысында аудан әкімі Жандос Еркінбекұлымен бірге ІІІ Интернационал және Жаңажол ауылдық округтерінде құрылысы жүріп жатқан спорт кешендерінің жұмысын бақылады.
Одан кейін Жосалы кентіндегі «Руханият» орталығы мен «Тәуелсіздік» ықшам ауданындағы тұрғын үй құрылыстарының барысын қарады.
Сондай-ақ, Қармақшы ауылдық округіндегі фельдшерлік-акушерлік бекет ғимаратының құрылыс жұмыстарын тексерді.
Барлық нысандарда құрылыс жұмыстарын сапалы жүргізу және белгіленген мерзімде аяқтау тапсырылды. Сонымен қатар құрылыс барысында жіберілген кемшіліктер бойынша ескертулер жасалып, оларды қысқа мерзім ішінде түзету жөнінде нақты міндеттер қойылды.
