Мәжіліс депутаттары ауданда болды

Қазақстан Республикасы Парламенті Мәжіліснің депутаттары Жайымбетов Мархабат Жайымбетұлы, Дайрабаев Жигули Молдахалықұлы және Саурықов Ерболат Байұзақұлы Қармақшы ауданына жұмыс сапарымен келді.

Сапар аясында депутаттар Жосалы кенті «Тәуелсіздік» ықшам ауданындағы табиғи газ тарту және халықтың әлеуметтік осал топтары мен кезектілікте тұрған азаматтарға тұрғын үй қорынан сатып алынантын үйлердің құрылыс жұмыстарымен танысты.

Нысан басында аудан әкімі Жандос Еркінбек аудандағы атқарылып жатқан жұмыстар жөнінде ақпарат беріп, алдағы жоспарларымен бөлісті.

Одан кейін, аймақ басшысының бастамасымен салынып жатқан «Руханият» орталығының құрылыс барысын көрді.

Сонымен қатар Иіркөл ауылының тұрғындарымен кездесу өткізіп, ІІІ Интернационал ауылдық округінде құрылысы жүріп жатқан жаңа спорт кешенінің жұмыстарын бақылады.