Облыс әкімі Нұрлыбек Нәлібаевтың тапсырмасына сәйкес Қармақшы ауданындағы құрылыс нысандарына мониторинг жұмыстары жүргізілді.

Аудан әкімінің орынбасары Айдын Әнуар облыстық бақылау басқармасының басшысы Ғанижан Піртазаұлымен бірге ауданда құрылысы жүргізіліп жатқан нысандарды аралап, жұмыс барысын бақылады.

Ақай ауылдық округіндегі дене шынықтыру-сауықтыру кешені, Жосалы кентіндегі «Руханият» орталығы, сондай-ақ әлеуметтік осал топтар мен тұрғын үй кезегінде тұрған азаматтарға арналып салынып жатқан тұрғын үйлерді көріп, мердігерлермен кездесті.

Барлық құрылыс нысандарында тиісті сала басшыларына жұмыстарды сапалы орындау және мерзімінде аяқтау жөнінде тапсырмалар берілді.