Аудандық шұғыл әрекет ету жасағының саптық қарау жиыны өтті

Аудан әкімінің орынбасары Самат Смағұловтың және Қызылорда облысының ТЖД бастығының орынбасары, полковник Бекболат Әбдіқадыровтың қатысуымен «ҚазСервис» ЖШС №56 жол пайдалану мекемесінде аудандық шұғыл әрекет ету жиынтық жасағының саптық қарау жиыны өтті.

Жиында облыс әкімдігінің 2024 жылғы 16 қазандағы «2024-2025 жылдардың қыс-көктем кезеңдеріндегі Сырдария өзенімен келетін мол суды қауіпсіз өткізуге дайындық жұмыстарын жүзеге асыруға арналған іс-шаралар» жоспарына сәйкес құрылған жұмысшы топ құрамы аудандық шұғыл әрекет ету жиынтық жасағы мен ұйымдардың күш құралдарының және жол пайдалауны нысандарының қысқы әзірлігі қаралды.

Аудандық төтенше жағдайлар бөлімінің бастығы, полковник Өмірбек Сақтабаев және шұғыл әрекет ету жиынтық жасағының басшылары төтенше жағдай кезеңдеріне дайындықтарын баяндады. Саптық жиынға барлығы 40 техника, 110 адам күші жұмылдырылды.

Одан кейін, шұғыл әрекет ету жиынтық жасағының жеке құрамына түсіндірме жұмыстары жүргізіліп, төтенше жағдайға дайындық жұмыстары пысықталды.