«LANGI FEST» ұлттық ойын ләңгі тебуден аудандық сайыс өткізілді
Қармақшы ауданы бойынша білім бөлімінің 2024-2025 оқу жылындағы денешынықтыру пәні бойынша іс-шаралар жоспарына сәйкес үстіміздегі жылдың 23 қазан күні мектеп оқушылары арасында «LANGI FEST» ұлттық ойын ләңгі тебуден аудандық сайысы өткізілді. Сайыстың мақсаты мен міндеті: мектеп оқушыларының денсаулығын нығайту үшін дене тәрбиесі мен ұлттық спорт жүйесін дамыту, салауатты өмір салты принциптерін қалыптастыру, ұлттық спорт түрлерін дамыту және тұрақты шұғылдануына тарту, ұлттық спорт түрлерін кеңінен насихаттау. Аудан бойынша 30 мектептер 6 аймаққа бөлініп, әр мектептен ең мықтылары бақ сынасып, жарысқа жалпы 150 оқушы қатысты.
Ұлттық ойын ләңгі тебуден аудандық сайысының қорытындысы бойынша:
І орын №106 мектептің командасы, ІІ орынды №26 мектеп командасы, ІІІ орынды №284 мамандырылған мектеп-лицей-интернатының командасы иеленді.
