Жарыстың негізгі мақсаты – аудан көлемінде баскетбол спортын дамыту, саламатты өмір салтын насихаттау, жастарды достыққа, патриоттық сезімге, ұлттық мәдениетке тәрбиелеу. Команда ойыншыларының деңгейін, шеберлігін арттыру және де аудан құрама командасына ойыншыларды іріктеу.

Ашық біріншілікке 5 команда, 50-ге жуық спортшы қатысты. Тартысты дода нәтижесінде №250 мектеп-лицей командасы І орын, №105 мектеп-лицей командасы ІІ орын, №26 орта мектеп командасы ІІІ орынды иеленді. «Үздік ойыншы» номинациясымен №250 мектеп-лицей оқушысы Жауқазын Шаймаханова, «Үздік қорғаушы» номинациясымен №26 мектеп оқушысы Амангүл Асылхан, «Үздік шабуылшы» номинациясымен №26 мектеп оқушысы Жансая Асылхан, «Ең көп доп салған» номинациясымен №105 мектеп оқушысы Мерей Далабекова марапатталды.

Жеңімпаздарды аудандық дене тәрбиесі, спорт және туризм бөлімінің атынан грамота және медальмен марапаттап, кубок табыстады.