Волейболдан аудан біріншілігі өтті

Жосалы кентінде орналасқан №26 мектептің спорт залында санитарлық-дезинфекциялық талаптарды қатаң сақтай отырып, Қазақстан Республикасының Тәуелсіздігіне 30 жыл толуына орай волейболдан 7-9 сынып қыздары арасында аудандық турнир болып өтті.

Жарыстың мақсаты ауданда волейбол спортын дамыту, спорттың бұқаралығын арттыру, облысқа аудан құрама командасын іріктеу болып табылады.

Жарыс жеңімпаздары мен жүлдегерлеріне аудандық дене шынықтыру және спорт бөлімінің арнайы дипломдары мен кубоктары табысталды.

Біріншілік қорытындысы төмендегідей:

ІІІ орын №121 мектеп

ІІ орын №105 мектеп-лицей

І орын №26 мектеп оқушылары иеленді.

Сондай-ақ үздік ойыншы номинациясымен №26 мектеп оқушысы Серікова Ж мен №105 мектеп-лицей оқушысы Әлібекқызы М, үздік қоғаушы номинациясымен №121 мектеп оқушысы Базарбаева А, үздік үйлестіруші номинациясымен №105 мектеп-лицей мектеп оқушысы Серік З мен №26 мектеп оқушысы Нәбиева Н марапатталды.