САРЫӨЗЕК КӨЛІН СУЛАНДЫРУ ЖҰМЫСТАРЫ ЖҮРУДЕ
Жосалы кенті тұрғындарының ұсыныстары мен өтініштеріне сәйкес, аудан әкімінің тапсырмасымен Сарыөзек көлін суландыру және жайылымдық жерлерді қалпына келтіру бойынша Сырдария өзенінен СНП500/10 дизельді моторы арқылы көлге су айдау жұмыстары жүргізілуде. Бұл шара көлдің экожүйесін жаңғыртуға, жайылымдық жерлердің өнімділігін арттыруға және мал шаруашылығына қолайлы жағдай жасауға бағытталған.
Жергілікті тұрғындар үшін бұл бастама маңызды, себебі мал азықтық базасын нығайтуға, ауыл шаруашылығын дамытуға және табиғи ресурстарды тиімді пайдалануға ықпал етпек.
Экологиялық тұрақтылықты қамтамасыз ететін бұл жұмыстар көктем мезгілінде де жалғасын табатын болады.
