ҚАРМАҚШЫДА МЕМЛЕКЕТТІК ТУ КӨТЕРУ РӘСІМІ ӨТТІ

Бүгін аудан әкімі Жандос Еркінбектің қатысуымен Республика күніне орай аудандық Мемлекеттік Рәміздер алаңында Ту көтеру рәсімі өтті.

Шараға ауданымыздың зиялы қауым өкілдері мен ардагерлері, су тасқынынан зардап шеккен азаматтарға көмек берген меценаттар мен волонтерлар, арнайы техника және жүк көлігі жүргізушілері, сондай-ақ медицина, төтенше жағдай, полиция органдарында ерлік танытқан патриоттар мен үкіметтік емес ұйым өкілдері қатысты.

Шараның шымылдығы Мемлекеттік Әнұранды орындалуымен ашылып, көк байрағымыз өз биігіне көтерілді.

Сондай-ақ, шарада мемлекеттік қызметке алғашқы қабылданған жас мамандардың ант беру салтанаты өтіп, жергілікті өнерпаздар патриоттық әндер шырқап, жиналған жұртшылыққа мерекелік көңіл күй сыйлады.