Баршаңызды еліміздің ең басты мерекесі – Республика күнімен шын жүректен құттықтаймын!

Мерейлі мереке – егемен елдігімізді даралайтын, ұлтымызды төрге, рухымызды өрге шығаратын, елімізді береке-бірлікке, жарқын болашаққа жетелейтін ұлттық мейрам. Мемлекет басшысы атап өткендей, 25 қазан – қазақтың мемлекеттілік дәстүрі қайта жаңғырған тарихи күн. Сондықтан бүгінгі мереке бізді елдіктің ғасырларға жалғасқан ұзақ әрі тағылымды жолын қадірлеуге үйретеді.

Айтулы күнге орай еліміздің барлық өңірінде көк туымызды көтеруге арналған салтанатты рәсімдер өтуде. Бұл – ұрпақ санасында отансүйгіштік қасиетті, елдік рух пен ұлттық ұстанымды бекемдей түсетін маңызды шара.

Әрдайым осылай көк байрағымыз көгімізде желбіреп, егемендігіміз нығая берсін!

Осынау айтулы мерекеде барша қармақшылықтарға мықты денсаулық, әр шаңыраққа шаттық тілеймін!

Еліміз аман, жұртымыз тыныш болсын!