РЕСПУБЛИКА КҮНІ – ҰЛТТЫҚ МЕРЕКЕ
Санаулы күндерден кейін қазақстандықтар Республика күнін атап өткелі отыр. Бұл күн – халқымыз үшін өте қастерлі мереке. Аға ұрпақ өкілдері бұл күннің тарихи маңызы өте жоғары екенін жақсы біледі. 1990 жылы 25 қазан күні ҚазКСР Жоғары Кеңесінің Қаулысымен Қазақ КСР мемлекеттік егемендігі туралы декларация қабылданды.
Бүгінде Республика күнінің қайта бекітілуі тарихи және маңызды шешімнің бірі болды. Себебі қайта жаңғырған ұлттық мерекеміз қазақстандықтарды одан әрі еркіндікке жетелегендей. Қазіргі таңда Қазақстан еліміздің көркеюі жолында барлық қиындықтарды бағындырып, әлемдік саяси аренада өз орнын тапқан мемлекетке айналды. Ұлттық тіліміз, дініміз, діліміз, рәміздеріміз арқылы азаттығымыз бен қазақтығымыз айқындалды. Мұның бәрі берекелі бірлік пен еңселі еңбектің арқасында десек, артық айтқанымыз емес. Сондықтан ұлттық мерекеміздің мәнін ұғынып, оның тарихын білу – барша қазақстандықтардың міндеті.
Себебі, бүгінгі бейбіт күніміз бәрінен де жоғары. Ендеше, еліміздің еңсесі биік, абыройы асқақ болғай! Еңбекте мол табыс, жаңа жетістік, тұрақтылық пен ынтымақ тілеймін. Отанымыз Қазақстан Республикасы өркендей берсін!
Нұржұман ПІРНАЗАРОВ,
аудандық жастар ресурстық орталығының директоры
