Қызылорда облысында егін жинау науқаны табысты аяқталып, дала еңбеккерлерінің адал еңбегі лайықты құрметке ие болды. Осыған орай, бүгін "Алтын күз" атты дәстүрлі мерекелік кеш өтті.

Салтанатты кеште облыс әкімі Нұрлыбек Нәлібаев ала жаздай маңдай терін төккен ауыл шаруашылығы саласының майталмандарын марапаттады. Ол өз сөзінде дала төсіндегі қажырлы еңбектің жоғары бағаланатынын айтып, егін алқабында күн-түн демей еңбек еткен әрбір азаматқа алғысын білдірді.

Мерекелік кешке қала және аудан әкімдері, сала ардагерлері, еңбек озаттары, басқарма басшылары мен шаруашылық өкілдері қатысып, "Алтын күздің" сый-құрметіне бөленді. Бұл күн – еңбекқор жандардың табысы мен жетістігін мерекелейтін маңызды шара ретінде есте қалды.

@ Қызылорда облысының Өңірлік коммуникациялар қызметі