Әлемнің әміршісі еңбек: Дала төсіндегі даңғайыр диқандардың еңбегін дәріптейтін "Алтын күз-2023" мерекесі өтті
"Алтын күз-2023" молшылық мерекесі аясында өңіріміздегі ауыл шаруашылығы саласының дамуына ерекше үлес қосып, егін жинау науқанында жоғары көрсеткіштерге жетіп, ел байлығын молайтуда ерекше табысқа жеткен бірқатар аудан еңбеккерлеріне облыс әкімі Нәлібаев Нұрлыбек Машбекұлы марапаттар табыстады.
Қазақстан Республикасы Премьер-Министрінің "Алғыс хатымен" «Жаңажол» жауапкершілігі шектеулі серіктестігінің директоры Төлепов Орынбасар Өтепұлы мен «Бертай» шаруа қожалығының шопаны Бертайұлы Марал марапатталды.
Ауыл Шаруашылығы Министрлігінің «Ауыл шаруашылығы саласының үздігі» төсбелгісіне «Жаңажол» жауапкершілігі шектеулі серіктестігінің гидротехнигі Саметов Балтабай Мақсатұлы ие болды.
«Озат егін шаруашылығы» номинациясымен «Жаңажол» жауапкершілігі шектеулі серіктестігі директоры Төлепов Орынбасар Өтепұлы марапатталды. Серіктестіктегі егілген 3100 гектар күріштен 21 700 тонна өнім жиналып, орта өнімі әр гектарынан 70 центнерді құрап, аймақ бойынша озық шықты.
Жер-Ананы идіріп, төрт түлікті түлетіп отырған ауыл еңбеккерлерінің несібесі ортаймасын! Марапаттарыңыз құтты болсын!
Қармақшы ауданы әкімінің баспасөз қызметі
