Шаруашылық майталмандары марапат төрінде

qarmaqshy-tany.kz Дала еңбеккерлеріне арналған дәстүрлі "Алтын дән - 2019" салтанатты шарасында Қармақшы ауданы бойынша ауыл шаруашылығының дамуына үлес қосқан мамандар марапат төрінен көрінді, деп жазады аудан әкімдігінің баспасөз қызметі. 

ҚР Ауыл шаруашылығы министрлігінің «Ауыл шаруашылығы саласының үздігі» төсбелгісімен Сабытбек Тайжанұлы, ҚР Ауыл шаруашылығы министрлігінің Құрмет Грамотасымен «Ораз ахун ЛТД» ЖШС бас агрономы Алихан Сарыбаев, шаруашылықтар арасында ІІІ орынмен «Тұрмағамбет» ЖШС директоры Нұржан Айдарбекұлы, ҚР Ауыл шаруашылығы министрлігінің І дәрежелі «Еңбек Даңқы» төсбелгісімен «Жаңажол» ЖШС механизаторы Төлеу Жабағиев,  ҚР Ауыл шаруашылығы министрлігінің ІІ дәрежелі «Еңбек Даңқы» төсбелгісімен «Ақтөбе и К» ЖШС егіс сушысы Сексенбай Баймұратұлы, «Озат бригадир» номинациясымен «Жаңажол» ЖШС егіс бригадирі Балтабай Мақсатұлы, «Ыбырай Жахаев» атындағы төсбелгімен «Достық Жер МК» ЖШС егіс бригадирі Кан Виктор, «Озат гидротехник» номинациясымен «Қармақшысушар» өндірістік учаскесінің басшысы Ерболат Абытұлы, «Озат сушы» номинациясымен «Ақтөбе и К» ЖШС егіс сушысы  Нұрбол Сахиев марапатталды.