Қызылорда облысының білім беру ұйымдарында құқық бұзушылықтың алдын алуды түсіндірудің бірлескен қадамдық жұмыс жоспарына сәйкес, 2024 жылғы 25 қыркүйек күні №185, №186 орта мектебінде құқық бұзушылық және қылмыс, балалар мен жасөспірімдердің өмірі мен денсаулығының қауіпсіздігін сақтау бағытында "Жасөспірімдер арасындағы құқық бұзушылықтың алдын алу - басты міндет" тақырыбында 8-11 сынып оқушыларының қатысуымен ақпараттық танымдық, түсіндірме жұмыстары жүргізілді.

Аталмыш шараға Қармақшы ауданы прокурорының орынбасары Ғ.Утеев, Ата-аналар комитетінің төрағасы М.Әлиев, Қармақшы аудандық білім бөлімінің әдіскері А.Тоқшылықова және мектептер бойынша ата-аналар комитетінің төрайымдары қатысты.

Шара барысында қонақтар өз салалары бойынша қазіргі таңда көкейтесті мәселелердің біріне айналып отырған тақырып төңірегінде түсіндірме жұмыстарын жүргізіп, өз ойларын ортаға салып, ақпараттар берді. Мағыналы да, мазмұнды шара соңы сұрақ-жауапқа ұласып, оқушылар көкейлерінде жүрген сұрақтарына жауаптар алып, ойларымен бөлісті.