qarmaqshy-tany.kz 2022 жылғы 23-29-қараша күндері Қармақшы ауданы бойынша жоспарланған білім бөліміне қарасты кент және ауыл мектептерінде білім бөлімінің ұйымдастыруымен құқық бұзушылықтың және балалар мен жасөспірімдердің өмірі мен денсаулығының қауіпсіздігін сақтау бағытында бірлескен түсіндірме жұмыстары жасалды. Бірлескен жоспар кестесіне сәйкес, 28-қарашада №183-салауатты орта мектепте арнайы мамандардың қатысуымен түсіндірме жұмыстары өткізілді. Кездесуге Қармақшы жастар денсаулығы орталығы психологы,аудан прокуратурасының аға прокуроры, АПб-нің ювеналды полиция тобының аға инспекторы, әйелдерді зорлық-зомбылықтан қорғау тобының инспекторы, аудандық психо - әлеуметтік кеңес беру кабинетінің дәрігері, Қармақшы аудандық білім бөлімінің әдіскері, білім беруді дамыту секторының кеңесші мамандары,жастар ресурстық орталығы басшысы қатысып, өз салалары бойынша құқық бұзушылық, қылмыс және нашақорлықтың алдын алу, интернет қауіпсіздігі мен суицид, ерте жүктіліктің алдын алу бағытындағы ақпараттық түсіндірме жұмыстарын жүргізді. Шара барысында қонақтар өз салалары бойынша қазіргі таңда көкейтесті мәселелердің біріне айналып отырған тақырып төңірегінде кеңінен түсіндірме жұмыстарын жүргізіп, өз ойларын ортаға салып, ақпараттар берді. Шара соңы сұрақ - жауапқа ұласып,кері байланыстар орнады,оқушылар көкейлерінде жүрген сұрақтарына жауаптар алды. АТМдар таратылды,бейнебаяндар көрсетілді.